1- Di roja 7’ê Mijdara 2005’an de, hêzên me yên HPG’ê li navenda navçeya Beytşebabê li ser benqeya Zireatê çalakiyeke sabotajê pêk anîn. Di encama çalakiyê de kuştî û birîndar çênebûn lê avahiyê ziyan û xisareke mezin dît.
2- Di roja 7’ê Mijdara 2005’an de, li herêma Besta ya ser bi bajarê Şirnexê artêşa Tirk bi helîkopterên şer ên Kobra çolter bombe kirin. Piştî bombekirina bi rengekî çawalêhatî topên hawanê avêtin. Her wiha li gor agahiyên gihiştin destê me, artêşa Tirk li Şirnexê ji bo operasyoneke mezin bide destpêkirin di nav amadekariyê de ye.
3- Di roja 7’ê Mijdara 2005’an de, li navçeya Geverê li qadên Geliyê dostkî û Oramar operasyoneke hêzên TSK’yê destpêkir. Operasyon hê jî berdewam dike.

8’Ê MİJDARA 2005
NAVENDA RAGİHANDİN-ÇAPEMENİYA HPG

1- Di roja 31’ê Cotmeha 2005’an de, li çoltera di navbera Bîngol û Elezîzê de di navbera gerîlayên me û hêzên TSK’yê yên ku derketibûn operasyonê peçûnek derket. Di vê peçûna ku di nav hev de û ji mesafeyeke nêz de hate jiyîn de hem ji hêzên TSK’ê hem jî ji gerîlayên me windahî çêbûn. Di vê pevçûnê de serbazek, çawişeke pispor û leşkerek bi giştî 3 leşkerên TSK’yê hatin kuştin û gelek leşker jî birîndar bûn. Her wiha 3 gerîlayên me bi lehengî şer kirin û şehîd ketin. Hevalên me yên bi navê Şoreş (Selamî ÜNAL), Serkeft Mardîn (Savaş GUNEŞ) û Berxwedan (Cemal ÇELİK) heta ku şehîd ketin şer kirin û derbeyên giran li hêzên TSK’yê dan.
2- Di roja 2’yê Mijdara 2005’an de, di navbera navçeyên Osmaniye û Bahçeya ku ser bi bajarê Edenê ye gerîlayên me li ser xetên ceyranê çalakiyeke sabotajê pêk anî. Di vê çalakiyê de xisareke madî ya giran hate dayîn û gerîlayên me bê ku tu windahiyan bidin vegeriyan baregehên xwe.
3- Di roja 5’ê Mijdara 2005’an de li çoltera navçeyên Dêrîk û Qosera ser bi bajarê Mêrdînê ji aliyê hêzên TSK û endamên Jîtemê ve operasyonek pêşket. Hêzên TSK dema dixwazin êrîşê bavêjin ser gerîlayên me, hêzên me pê dihisin û bi vî awayî pevçûn derdikeve. Di vê pevçûnê de 2 endamên Jîtemê ku di kuştina Ugur Kaymaz û bavê wî de cih girtibûn û leşkerek TSK’yê hate kuştin. Gerîlayekî me jî sivik birîndar bû. Piştî ku ji hêzên TSK’yê 3 kes hatin kuştin hêza operasyonê binkeftî paşvekişiya. Navê 2 endamên Jîtemê wiha ne; Şeyhmus ERDEN û Ahmet KOÇAN.

6’Ê MİJDARA 2005
NAVENDA RAGİHANDİN-ÇAPEMENİYA HPG

Konferans 25 ê Cotmeha ku roja bîranîna şahadeta Gülnaz Karataş Bêrîtan de destpêkir di 3 mijdarê de bi dawî bu. Bi kombuna 131 delegeyên ku ji Botan Dersim û ji herêma parastina Medya pêkhat. Di heman demê de di konferansê de 17 guhdarvanên mêr û dayîkêk ji maxmurê cih girt. Bêrê ku derbazî konferansê bibin, Gülnaz Karataş Heval Bêrîtan di wê rojê de hate bîranîn. Konferansa ku nêzîkê deh rojan dumand liser rojeva siyasî, rêkxistînî, planlamaya demê û liser tevlîbunên ku di qada leşkerî de ku bên meşandin nîqaşên berfireh û bi coş hatin meşandin berbi biryaran çun.
Konferansa ku bi rawestîna deqîqeyek liser giyanê şehîdan ku destpêkir, axaftina vekirinê ji aliyê Bêrîtan Dersim ve hate kirin. Dersim bêrê ku destbi axaftina xwe bike Rêberê Koma Komalên Kurdistan Abdullah Öcalan silav kir û hevalên ku di dema dawî de jiyana xwe ji destdabun bi bîranî. Dersim bal kişand liser tecrît û mercên rêbêrê Koma Komalên Kurdistan Abdullah Öcalan û got; erkên vê konferansê yê serekê ewe ku beranberî rêbêrtiya me êrîşên ku tên meşandin pêşxistina sekneke mîlîtanî, beranberî êrişên ku berdewam dikin vînekê ji polayê avakirin û bilindkirina berxewdanê ye. Di heman demê de liser erkên jin jî sekînî û rola ku dikevê ser milê wê nirxand em di konferansê de meşandina terzê fedaîti de xeta fedaî de jîn kirinê, şerkirinê û di îdîa azadiyê de nubunê hedef dikin...

5’Ê MİJDARA 2005

Di roja 3’yê Mijdara 2005’an de, piştî nîvro di navbera seatên 16:00 û 18:00’an de, riya di navbera Dersîm û Elezîzê de gerîlayên me rê qutkirin. Di vê çalakiya rê qutkirinê de nêzî 50’î wesayetî hate rawestandin, tecrîd û siyaseta tunekirinê ya li ser Rêber Apo hate vegotin kirin. Ev çalakî 5 km nêzî navenda bajêr hate kirin û leşkerên qereqola Tulukê xwestin mudaxale bikin. Li ser vê yekê di navbera gerîlayên me û hêzên TSK’yê de pevçûn derket. Piştî ku wesayetên sivîl derbas bûn pevçûn hate jiyîn û di vê pevçûnê de yek çawişeke pispor û 2 leşker bi giştî leşkerên TSK’yê mirin. Gerîlayên me tu windahî nedan û bi serkeftî vegeriyan baregehên xwe.
Her wiha di roja 4’ê Mijdara 2005’an de, di navbera seatên 11.00 û 12:00’an de li navçeya Hozata ser bi bajarê Dersimê qada Derekoyê ji aliyê hêzên TSK’yê ve tevî helîkopterên şer ên Kobra hata bombe kirin. Ev bombebarana ku bê encam ma, nêzî seatekê berdewam kir.

5’Ê MİJDARA 2005
NAVENDA RAGİHANDİN-ÇAPEMENİYA HPG

Di roja 3’yê Mijdara 2005’an de, li çoltera ava Dîcleya ser bi bajarê Amedê hêzên TSK’yê derketibûn operasyonê. Êvarî di seat li dor 16:30’an de di navbera hêzên me yên gerîla û yekîneyên TSK’yê de pevçûn derket. Di vê pevçûnê de serbazek û leşkereke TSK’yê hate kuştin û gerîlayên me bê ku tu windahiyan bidin vegeriyan baregehên xwe. Operasyona Hêzên TSK’yê ya li herêmê hê jî berdewam dike.

4’Ê MİJDARA 2005
NAVENDA RAGİHANDİN-ÇAPEMENİYA HPG

Jİ GELÊ ME YÊ WELATPARÊZ RE,
Di serî de em Rêberê ku me anine heta rojên îro Rêber Apo silav dikin, tevahî şehîdên azadiya Kurdistan bi rêzdarî bi bîrtînin û cejna Remezanê ya cîhana îslamê pîroz dikin.
Gelê me yê welatparêz,
Tevahî cejn tên wateya azadî, aştî û biratiya gelan her wiha di navbera tifaqê de bi hevre jiyîna gelan vegotin dikin. Di heman demê de gihiştina aramiyê destnîşan dikin. Di gel ku cejn tê wateyên dîrokî, civakî û çandî, îro li Kurdistanê rewşekî vajî vê tê jiyîn. Ji aliyê dewleta Tirk ve li dijî Serokatiya me, gelê me û tevgera me ya azadî û demokrasiyê şerekî tunekirinê tê meşandin. Serokatiya me xistina pêvajoyeke tunekirinê gelekî xeter û qisawêt e. Li dijî şerê topyekûn ê dewleta Tirk, niha dema wê hatiye ku gelê me jî bibe fedaî û bikeve nav berxwedaniyekê. Em bang li gelê me dikin ku di bingeha berxwedaniya topyekûn de her cih û demê bikin serhildan û li derdora Serokatî hevgirtinekê çêbikin.
Di vê bingehê de em di wê baweriyê de ne ku hûnê vê cejnê bikin wesîleya têkoşînê û em careke din cejna we ya remezanê pîroz dikin.

02’YÊ MİJDARA 2005
FERMANDARİYA BİRYARGEHA NAVENDİYA HPG

Li dijî pêvajoya tunekirana Serokatiya me gerîlayên me çalakiyeke bergirêdanê lidarxistin û bi vê mebestê li bajarê Şirnexê avêtin ser girekî. Gerîlayên me êrîş avêtin ser girê qereqola Dera Hinê û gir xistin destê xwe. li vê derê 13 leşker mirin û gelek leşker jî birîndar bûn.

1- Di roja 31’ê Cotmeha 2005’an de, êvarî seat li dor 23:20’an de, dijî pêvajoya tunekirinê ya li ser Serokatiya me bi mebesta bergirêdanê tîmeke me ya fedaî li navçeya Qlaban a ser bi Şirnexê li girê qereqola Dera Hinê çalakiyeke êrîşê lidarxistin. Di encama êrîşê de çeper, koxuş û stargeh tevî roket, bombe û çekên

DARA KATO ŞAKİR İTAH 1979 / ÇATAK ZÜLFİNAZ KEREM 1998 KELAREŞ

ferdî hatin lêdan û rûxandin. Her wiha di dema êrîşê de cebirxaneya wan jî hate teqandin.
Di encama êrîşê de gerîlayên me çûn ser cenazeyên 13 leşkeran û gelek birîndaran. Di êrîşê de gerîlayê me yê bi navê Dara Çatak (ŞAKÎR ÎTAH) bi lehengî şehîd ket.
Piştî êrîşê bi 40 deqî leşkerên Tirk ji bo destekê bidin leşkerên xwe xwestin werin gir ji aliyê tîmeke me ya din ve hatin lêdan. li vê derê jî leşkerên Tirk windahiyên giran dan û negihiştin gir.
Ji aliyê dîtir ve di derbarê vê bûyerê de nûçeyên ku çapemeniya Tirk didin ji binî de derew in. Bûyer ne çalakiyeke kemînê ye, çalakiyeke êrîşê ye.
Di sibeha 1’ê Mijdara 2005’an de, artêşa Tirk tevî helîkopterên şer ên Kobra qada Kato Jirkî bombe kir.
2- Qereqola Oramaz a ser bi navçeya Geverê ye bi dehan caran bibû hedefa êrîşên gerîlayên me, artêşa Tirk ji ber nema dikarî vê qereqolê biparêze neçar ma ku vala bike.
 

NAVENDA RAGİHANDİN-ÇAPEMENİYA HPG
2’YÊ MİJDARA 2005

Di roja 31’ê Cotmeha 2005’de, êvarî seat li dor 17:45’an de gerîlayên me yên HPG’ê li navenda Wanê li ser qereqola Erekê çalakiyeke bombeyî pêkanîn. Di encama çalakiyê de avahiya qereqolê xisareke mezin dît û 3 polîs giran birîndar bûn. Piştî çalakiyê cihê bûyerê ji aliyê polîsan ve ji bo kesên sîvîl hate qedexekirin. 

1’Ê MİJDARA 2005
NAVENDA RAGİHANDİN-ÇAPEMENİYA HPG

Di nava meha Cotmehê de hêzên TSK’yê li dijî gerîlayên me 41 operasyon lidarxistiye. Di van operasyonan de 53 pevçûn derketine, di van pevçûnan de 102 leşkerên Tirk, 3 serbazên Tirk û polîsek bi giştî 106 leşker û polîs hatine kuştin. Her wiha polîsek jî dîl hatiye girtin. Di van pevçûnên hatine jiyîn de, 7 wesayetên leşkerî yên artêşa Tirk hatine rûxandin, demançeyek, telsizek, telefoneke uydû, çekeke portatîj a G-3, bombeavêjek, çekeke G-3, çekeke Melez, tivingek û 2 çentepişt ji aliyê gerîlayên me yên HPG’ê ve hatine bi destxistin. Di 53 pevçûnan de 9 gerîlayên me yên HPG’ê bi lehengî liberxwedan û şehîd ketin, gerîlayeke me jî dîl ket destê hêzên artêşa Tirk.

31’Ê COTMEHA 2005
FERMANDARİYA BİRYARGEHA NAVENDİYA HPG

1- Di roja 26’ê Cotmeha 2005’an de, li navçeya Mahsertê ya ser bi bajarê Mêrdînê operasyoneke hêzên TSK’yê destpêkir. Ev operasyona ku bi piştgiriya helîkopter û teknîkê ve hate lidarxistin di roja 29’ê Cotmehê de bê encam paşvekişiya.
2- Di roja 30’ê Cotmehê de, li navçeya Nisêbînê ya ser bi bajarê Mêrdînê xeta petrolê ya BOTAŞ ji aliyê gerîlayên me ve bi çalakiyeke sabotajê hate lêdan. Ev çalakî êvarî di seat 16:30’an de hate lidarxistin û xeta petrolê xisareke madî ya giran dît û agir pê ket. Gerîlayên me bê ku tu windahiyan bidin vergeriyan cihên xwe yên binkegirtinê. Agirê ku di xeta petrolê de derketiye hê jî berdewam dike.

31’Ê COTMEHA 2005
Navenda Ragihandin-Çapemeniya HPG

Li çoltera Amedê ji aliyê gerîlayên me ve li ser leşkerên Tirk ên ku derketibûn operasyonê çalakiyek hate lidarxistin û di vê çalakiyê de 7 leşker mirin.
1- Di roja 28’ê Cotmeha 2005’an de, li çoltera Amedê li qaden Şelgemê, Medresê, Bûlgûr Tepe, Zengasor û Serdenê operasyoneke berfireh a TSK’yê destpêkir. Ev operasyona ku ji bejayî û hewa ve dihate meşandin ji aliyê gerîlayên me ve hate darbekirin. Di roja 28’ê Cotmehê de yekîneya TSK’yê ye ku li qada Zengesor xwe bi cih kiribû ji du baksan ve ji aliyê tîmên gerîlayên me ve hate lêdan. Di çalakiyê de hejmara ku hate zelalkirin, 7 leşkerên TSK’yê hatine kutin, 2 leşker jî giran birîndar bûne.
Di roja 29’ê Cotmeha 2005’an de, operasyona TSK’yê ber bi qadên Heşadêrê, Mizag, Axtîganê ve berfireh bû. Di 30’ê Cotmehê de beşek hêzên operasyonê paşvekişiya lê belê tevgerîna leşkerên TSK’yê li herêmê hê jî berdewam dike.
Ev çalakiya ku li dijî vê operasyonê hate lidarxistin û bi kuştina 7 leşkeran ve encam girt, li dijî pêkanînên tecrîd û tunekirinê yên li ser gel û Serokatiya me bi armanca bergirêdanê hatiye lidarxistin.
2- Di daxuyaniyên rayedarên dewleta Tirk de tê gotin ku, di çalakiya avêtina ser qereqola TSK’yê ya li Gundikê Şêx e ku girêdayî Erûhê ye, cerdewanekî bi navê Îrfan Katmiş jiyana xwe ji dest daye...

30’Ê COTMEHA 2005

Serokê Konseya Rêveber a Koma Komalên Kurdistanê Murat Karayilan, damezirandina Partiya Civaka Demokratîk (DTP) û serdana Barzanî ya Dewletên Yekbûyî yên Amerîkayê (DYA) nirxand. Karayilan diyar kir ku ewê piştgiriyê bidin tekoşîna demokrasiyê ya DTP'ê. Karayilan da zanîn ku vexwendina Barzanî weke Kurd ji aliyê DYA’yê ve ew kêfxweş kirine. Karayilan got ku heke pêkanînên dewletê bidomin dibe ku kurd bi temamî ji Tirkiyeyê veqetin...
Serokê Konseya Rêveber a Koma Komalên Kurdistanê Murat Karayilan li ser gelek mijarên ku di rojevê de ne agahî da. Karayilan damezrandina Partiya Civaka Demokratîk pîroz kir û hêvî kir ku ev partî di demokratîkbûna Tirkiyeyê û çareseriya aştiyane ya pirsgirêka Kurd de bibe xwedî rol. Karayilan wiha got: “Em ê di her qadê de hêvî dikin ku ev partî bibe bersiva rêxistina civakê...

Di binyata Fermandariya Akademiyên Apollo de di vê pêvajoya ku berxwedaniya parastina rewa tê bilindkirin de, gerîlayên di asta fermandaran de, li Akademiya Leşkerî ya Mahsum Korkmaz, Akademiya Birdozî ya Hakî Karer û Akademiya Gulnaz Karataş a Parastina Jina Azad de perwerde didîtin bi merasîmeke şemil sond xwarin, dîplomayên xwe girtin û bi rengekî serkeftî mezûn bûn.
Di sala 2004’an de li eyaleta botanê li qada Gabarê hevalê Kendal baz ku bi lehengiyeke mezin liberxweda bû û şehîd ketibû dewreya perwerdê ya 8. navê wî hilgirt û di roja 17’ê Pûşbera 2005’an de Akademiya Mahsûm Korkmaz a leşkerî dest bi perwerdeyê kir. Di dewreyê de fermandarê demê pêşxistin, di çanda leşkerî û hunera şer de kûrbûn, di xeta Egîd û Erdal de kiryaribûyin mijarên bingehîn ên lêhurbûnê bûn û şagirtên akademiyê li ser van mijarên perwerde dîtin. Her wiha di çerçoveya paraznameya Rêber Apo ya bi navê “Parastina Gelekî” de di mijarên xeta parastina rewa, şêwaza fermandariya fedaî, çepergirtina şer û mijarên hwd. de hem warê teorîk hem jî warê kiryarî de perwerdeyeke dewlemend hate derbaskirin.
Bi mebesta girtina dewreyê ji aliyê şagirtên akademiyê ve çalakiyên pîrozbahî û merasîmê hatin lidarxistin. Fermandarê Biryargeha Navendiya HPG’ê, endamên Konseya Fermandariya HPG’ê û gelek gerîla beşdarî van pîrozbahiyan bûn. Fermandarê Biryargeha Navendiya HPG’ê Dr. Bahoz Erdal axaftinek kir û şagirtên dewreyê ji bo serkeftina wan a perwerdeyê pîroz kir. her wiha di axaftina xwe de ji bo pêvajoyê hinek daxuyaniyên girîng da û di vê derbarê de wiha got; “Em wekî gel û wekî tevgerê di pêvajoyekî nû û girîng re derbas dibin. Ji aliyekî ve Rêber Apo di warê derûnî û fîzîkî de dixin bin pêvajoyeke tunekirinê, ji aliyekî ve dewlet bi çavê dijmin li gelê me mêze dike û gel wekî terorîst pênase dike. bi her awayî konsepteke êrîş û tunekirinê pêşdixîne. Li dijî vê siyasetê em wekî gel, wekî tevgerê û wekî HPG’ê, helwesta ku em pêşxin divê ji berê cudatir be. Ev helwest jî wê di xeta Egîd, Erdal û Zilanan de bi şêwazê fermandariyeke rast û bi kiryarîkirina xeta fedaîtiyê ve pêkan be...

29’Ê COTMEHA 2005

• ALBUMA MEZUNİYETÊ

Bêrîtan di cihê xwe de req bûbû û bi baldariyeke mezin li dayîka xwe guhdarî dikir. Di cîhana xeyalan de bû, tiştên ku dibihîstin ew şaş dikirin. Wekî ku temaşeyî fîlmekî dikir. Gelekî pirs di mêjiyê wê yê zarok de diçûn û dihatin. Gotinên nû dibihîst ji devê diya xwe. Çavên wê diçûn û dihatin mîna ku ji wê kuna xwe ya biçûk aciz bin. Dixwest ber bi ezmanan ve bifire. Bêrîtanê ji bo ku çokên xwe yên ji heyecanê dilerizîn, ji dayika xwe veşêre, destê xwe danî ser û bi dil û can li dayîka xwe guhdarî kir.
Dayika li ber giriyê bi dengekî ku ji kûrahiya dil dihat, digot: “ Wê rojê destanek nû dihat nivîsandin li Lelîkanê. Ew roja Lelîkan bi tîpên zêrîn diket nav dîroka berxwedana mirovahiyê. Dîsa jinek qehreman bû, nivîskarê dîroka berxwedan û azadiyê.
Li ser lutkeya zinarekî reş û mezin bû. Li paş wê Çiyayê Şekîf, li biniya wê Dola Çil û çaran hebû.

1- Li dijî êrîşên ji aliyê dewleta Tirk ve li ser serokatiya me di warê psîkolojîk û fîzîkî de tên meşandin, bi armanca bergirêdanê ji aliyê gerîlayên me ve çalakî hate lidarxistin. Di roja 28’ê Cotmeha 2005’an de, êvarî seat li dor 20:30’an de, gerîlayên me li ser qereqola Gundikê Şeş (Eren Kaya) çalakî pêkanîn. Di vê qereqolê de 70 leşker hebûn û di encamê de yek fermandarê qereqolê bi giştî 20 leşkerên artêşa Tirk hatin kuştin û bi dehan leşker jî birîndar bûn. Gerîlayên me çûn ser cenazeyên 20 leşkeran û ji ser wan çekeke portatîf G-3, demançeyek 16 derp, cîhazeke telsizê û telefonek rakirin.
Di vê çalakiyê de gerîlayê me yê bi navê Aydin (Aydin ALTIN) şehîd ketiye.
2- Di roja 27’ê Cotmeha 2005’an de, hêzên TSK’yê li lîcê li qadên Kurmik, Hêdik, û Koz operasyonek dan destpêkirin. Operasyon hê jî berdewam dike. di derberê operasyonê de agahiyên berfireh dê paşê ji rayagiştî re were rave kirin.
3- Di roja 26’ê Cotmeha 2005’an de, li çiyayê Tendurek li qada Gordê û Kurtuluşê operasyoneke TSK’yê destpêkir. Ev operasyon di roja 27’ê Cotmeha 2005’an de bê encam paşvekişiya.

29’Ê COTMEHA 2005
NAVENDA RAGİHANDİN-ÇAPEMENİYA HPG

1- Hêzên artêşa Tirk, li sînorê Heftanîn girên Deriyê Davetiye, Şivan, Serbest, Vacîp, Sînek û girê Elemon ku ji biharê ve bi rengekî mayinde digirt, bi bombekirina hawanan ve vala dike.
2- Di roja 24’ê Cotmeha 2005’an de, li qada akdagê ku di nav sînorên navçeya Gencê de dimîne, operasyoneke hêzên TSK’yê destpêkiribû, di roja 26’ê Cotmehê de sibehê seat di 10:30’an de, li palên 1’ê Mayisê gerîlayên me hêzên operasyonê xistin kemînê. Di encama teqandina gerîlayên me de leşkerek mir, leşkerek jî birîndar bû. Artêşa Tirk kuştî û birîndarên xwe tevî helîkopteran rakirin Elezîzê.
Dîsa hêlîkopterên şer ên Kobra di roja 27’ê Cotmeha 2005’an de li Amedê qada Şehîd Remzî bi rengekî çawalêhatî bombekirine.

28’Ê COTMEHA 2005
NAVENDA RAGİHANDİN-ÇAPEMENİYA HPG

1- Di roja 13’ê Cotmeha 2005’an de, li çoltera Osmaniye ku ser bi bajarê Edenê ye, xetên neqilkirina enerjiyê yên di navbera zozanên Erenes û Karincakê de ne ji aliyê tîmeke me ya gerîla ve bi çalakiyeke sabotajê hate lêdan. tîmê me yê çalakiyê trafoya ku karê santralê didît rûxandin û di encamê de xeta neqilkirina enerjiyê hate girtin. Li herêmê xebatên dirustkirina xetê berdewam dikin û ji ber vê yekê hêzên TSK’yê operasyonek dan destpêkirin.
2- Di roja 13’ê Cotmeha 2005’an de, operasyona ku li çoltera Sêrtê li qada Garisa destpêkiribû, ber bi qadên Gezînca û ava Botanê ve berfireh bû û hê jî berdewam dike.
Di encama vê operasyonê de li du cihên cuda di navbera yekîneyên me yên gerîla û hêzên TSK’yê de pevçûn derket. Di roja 14’ê Cotmehê de sibehê seat li dor 05:30’an de baskekî leşkerên TSK’yê ji aliyê gerîlayên me ve di navbera qadên Ebûbekir û derişkê de di kemînê de hatin lêdan. Di vê çalakiyê de hejmara windahiyên TSK’yê yên ku hatine zelalkirin 2 leşker hatine kuştin, 4 leşker jî birîndar bûne...
 

27'Ê COTMEHA 2005

1- Di roja 26’ê Cotmeha 2005’an de, li qadên Çiyayê Bizina û Berî Mîrî yên ser bi çiyayên Gabarê operasyoneka artêşa Tirk destpêkir. Operasyon hê jî berdewam dike. di derbarê vê operasyonê de agahiyên berfireh dê paşê ji rayagiştî re werin rave kirin.
2- Di roja 25’ê Cotmeha 2005’an de, li Dersimê qada Demenan sibehê seat di navbera 5:30 û 6:30’an de bi helîkopterên Kobra hate bombe kirin.
 

26'Ê COTMEHA 2005
NAVENDA RAGİHANDİN-ÇAPEMENİYA HPG

1- Di roja 21’ê Cotmeha 2005’an de, li çoltera bajarê Colamergê operasyoneke hêzên TSK’yê destpêkir du di roja 23’ê Cotmeha 2005’an de bê encam paşvekişiya. Ev operasyona ku bi piştgiriya helîkopterên Kobra û Skorsky li çoltereke berfireh pêşketibû bê encam ma û neçar bû ku paşvebikişe.
2- Hêzên TSK’yê li navçeya Ovacika Ser bi bajarê Dersimê avêtin ser gundên Hanûşagi, Cevîzlîdere û Yeşîlyaziyê û nêzî 20 kesên gundî kirin bin çavan. Hêzên TSK’yê bi îdîaya ku gundî piştgiriyê dedin HPG, avêtin ser malan û gelek gundî binçav kirin. Her wiha bi kuştinê gef li gundiyan didin û dixwazin zordestiyê li ser gel bimeşînin. Gundî hê jî di bin çavan de tên girtin û êrîşên ser malan hê jî berdewam dikin.

Lİ BAJARÊ SULEYMANİYE KARÊN QİRÊJ ÊN ÇETEYA NÎZAMETTİN

Dr. Murat (M. Nûr Gozen)

Fermandariya Biryargeha Navendiya HPG’ê di ji bo van kesên rêvîne û xiyanetî dozê kirine di derbarê xebatên wan ên li Başûrê Kurdistanê li bajarê Suleymaniye de daxuyaniyek da. Di daxuyaniyê de wiha tê gotin; “Berî niha demekê kesê bi navê Doktor Mûrat (Mehmet Nûr Gozen) bi xiyanetê ji Kongra Gel revî bû û niha di nav çeteya Nîzamettin TAŞ de kar dike, li bajarê Suleymaniye di nav xabetên derî ehlaq û rêwiştê de ye. Ev çete karê esrar, fihûş û diziya afirendeyan dike. Li dijî van kesên ku di nav karê xerab de ne di serî de gelê Suleymaniye û tevahî gelê me divê di nav hestiyariyekê de bin.  Nîzamettin TAŞ û çeteya wî ku dev davêje tevgera me ya azadiyê û navê tevgerê ji bo rantxwarinê bi kar tîne pêwîst e tu kes giramiyê nede wan. Ev kesên ku tu têkiliya wan bi tevgera azadiyê re nîne, karên wan ê qirêj û tarî tu girêdana wê bi tevgerê re nine û nabe. Çetêyên bi vî rengî li pê rantê ne û niyetê wan, bi van bûyerên bi vî rengî re  derdikeve holê. Em bang li tevahî gelê me û rayagiştî dikin ku li hemberî van hestiyar bin û ji lîstokên wan re nebin navgîn.”

NAVENDA RAGİHANDİN-ÇAPEMENİYA HPG

24’Ê COTMEHA 2005

Di roja 16’ê Cotmeha 2005’an de li nêzî gundê Keyika ku di nav xakên Îranê de dimîne û nêzî navçeya Başkaleya Wanê ye, di navbera hêzên artêşa Îranê û gerîlayên me de pevçûn derket. Hêzên artêşa Îranê li dijî gerîlayên me kemîn avêtin û gerîlayên me bi vê kemînê hisiyan. Di encamê de peçûn derket û di vê pevçûnê de, fermandareke pastarê artêşa Îranê hate kuştin û gelek pastar jî birîndar bûn. Di vê pevçûnê de gerîlayên me tu windahî nedan. Piştî vê bûyerê hêzên artêşa Îranê avêtin ser gundê Keyika û 15 gundî binçav kirin. Leşkerên artêşa Îranê îdîa kirin ku gundiyan ev pevçûn derxistiya û wan fermandarê wan kuştiye, ji ber vê yekê bi kuştinê gef li gundiyan dan û kesên ku girtine hê jî bernedane. Ev bûyera ku hatiye jiyîn pevçûneke di navbera gerîlayên me û hêza artêşa Îranê de qewimiye û tu kesên dîtir tê de cih negirtiye.

23'YÊ COTMEHA 2005
NAVENDA RAGİHANDİN-ÇAPEMENİYA HPG

1- Di roja 22’yê Cotmeha 2005’an de di navbera bajarê Sêrtê û navçeya Guclu Konak ya ser bi Şirnexê de di navbera gerîlayên me û hêzên TSK’yê de pevçûnekê rû da. Êvarî seat li dor 09:00’an de pevçûn hate jiyîn û di vê pevçûnê de panzêreke TSK’yê hate rûxandin. Her wiha 3 leşkerên TSK’yê hatin kuştin û 2 leşker jî birîndar bûn. Hêzên TSK’yê heta êvarî li qada pevçûnê operasyon pêşxistin û bê encam paşvekişiyan.
2- Di roja 21’ê Cotmeha 2005’an de, li çoltera deşta Batmanê operasyoneke TSK’yê pêşket. Operasyona hêzên TSK’yê di heman rojê de bê encam paşvekişiya.

23'YÊ COTMEHA 2005
NAVENDA RAGİHANDİN-ÇAPEMENİYA HPG

Di roja 21’ê Cotmeha 2005’an de, sibehê seat li dor 06:00’an de, li qadên Colamergê yên bi navê Meydanbelek, Siwarê Xanê, Anîtos, Mezra û Kato Marînos bi piştgiriya balafiran operasyoneke TSK’yê pêşket. Operasyon hê jî berdewam dike. Di derbarê operasyonên de agahiyên berfireh dê paşê ji rayagiştî re werin rave kirin.

22'YÊ COTMEHA 2005
NAVENDA RAGİHANDİN-ÇAPEMENİYA HPG

ALİ (SELAM) ZAGROS RESUL İSMAİL KERENİ 1978 SÜLEYMANİYE FATMA İSMAİL 1999 QENDİL

1- Di roja 15’ê Cotmeha 2005’an de, hêzên TSK’yê yên li qereqola Lîçîk a ser bi Karliovaya Bîngolê, ketine panîkê û seat li dor 3:30’an de xwe bi xwe li hev dane. Di vê pevçûnê de leşkerek birîndar bû lê belê dibe ku kuştî û birîndarên wan hîn zêdetir be. Roja dîtir sibehê li qadên Armelî û Dînarbekê operasyoneke TSK’yê destpêkir. Bi tevlîbûna hêzên taybet re êrîş avêtin ser noqteyên gerîla yên kevin û li çolterê lêkolîn û lêgerîn kirin. Di roja 16’ê Cotmeha 2005’an de, bi mebesta piştgiriyê ji amedê ber bi Dînarbekê ve konveyeke leşkerî ya 20 wesayetî hate sewq kirin. Her wiha hinek leşker bi cilên sîvîl tevlî operasyonê bûn. Di roja 17’ê Cotmeha 2005’an de beşek ji vê operasyonê paşvekişiya lê hîna beşeke wê li herêmê ye.
2- Di roja 16’ê Cotmeha 2005’an de, li nêzî gundê Deştê ku girêdayî navenda Dersimê ye, di navbera gerîlayên me û hêza operasyonê de pevçûnekê rû da. Di vê pevçûnê de kuştî û birîndarên TSK’yê çêbûn lê belê di derbarê hejmarê de agahiyeke zelal nehate bi destxistin. Di vê pevçûna ku gotina mijarêye de, gerîlayê me yê bi navê ALÎ (SELAM) ZAGROS (RESÛL ÎSMAÎL KERENÎ) şehîd ket.
3- Dîsa li girê nêzî gundê Talisa ku girêdayî Çêlêya ser bi Colamergê ye, hêzên TSK’yê di roja 19’ê Cotmeha 2005’an de di bin parastina helîkopterên Kobra de, ev girê ku ji biharê de girtibûn vala kirin. Tevî hêlîkopterên Kobra demekê çolter bi rengekî çawalêhatî dan ber gule û bombeyan.

21'Ê COTMEHA 2005
NAVENDA RAGİHANDİN-ÇAPEMENİYA HPG